Nyuma y'umukino wahuzaga ikipe ya Liverpool na Manchester United kuri iki cyumweru urangiye ikipe zombi zinganya igitego 1 kuri 1, ikipe ya Liverpool ikomeje kwanikira ikipe ziyikurikiye aho irusha iya 2 ikinyuranyo cy'amanota 6, mu gihe Manchester United yo iza ku mwanya wa 13.

 

By Ubwanditsi | Views : 7602 | Kuya 10-20-2019 17:51



Uyu mukino watangiye ku isaha ya sa kumi n'imwe n'igice zo kuri iki cyumweru tariki ya 20 ukwakira 2019, urangiye ikipe zombi zinganyije igitego 1 kuri 1.

Manchester United yari yakiriye ku kibuga cyayo Old trafford niyo yabanje igitego ku munota wa 36 cyinjijwe na Marcus Rashford, ku munota wa 85 Adam Lallana abonera ikipe ye ya Liverpool igitego cyo kwishyura.

Uyu mukino urangiye ari igitego 1 kuri 1 utumye Liverpool irushaho kwanikira ikipe ziyikurikiye aho iri ku mwanya wa mbere, ikarusha Manchester City iri ku mwanya wa 2 amanota 6, mu gihe Manchester binganyije kuri iki cyumweru iza ku mwanya wa 13 n'amanota 10. 

Iyi mikino ikaba ari nyuma y'umunsi wa 9 wa shampiyona y'ikiciro cya mbere mu mupira w'amaguru mu gihugu cy'ubwongereza.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd