Muri repubulika iharanira demokarasi ya Congo mu gace ka Beni, ku munsi w’ejo kuwa kane, ingabo za leta FARDC zongeye gukozanyaho n’inyeshyamba z’abagande zibumbiye mu mutwe wa ADF

 

By Umutoni Solange | Views : 43407 | Kuya 02-23-2018 12:42



Ingabo za leta ya repubulika iharanira demokarasi ya congo, ku munsi w’ejo kuwa kane tariki ya 22 Gashyantare 2018, zasubije inyuma inyeshyamba z’abagande zo mu mutwe wa ADF mu gace ka Mbau, mu karere ka Beni, mu ntara ya Kivu y’Amajyaruguru.

Umuvugizi w’ibikorwa bya gisirikare mu gace k’amajyaruguru, kapiteni  Mak Hazukay, yavuze ko kugeza ubu aka gace kari mu maboko y’ingabo za leta nyuma y’imirwano itari yoroshye yamaze amasaha Atari make.

kapiteni  Mak Hazukay, yagize ati :

“  Izi ntagondwa zo mu mutwe wa ADF zatugabyeho igitero ku birindiro byacu kuwa kane ahagana isa cyenda z’igicamunsi mu gace ka Mbau ubwo twari twasuwe n’umuyobozi w’ibikorwa bya gisirikare generali Mbangu Mashita Marcel”.

Iyi mirwano yatumye abaturage bamwe na bamwe bahunga bava mu byaro berekeza mu mujyi wa Beni.

                           Ingabo za DRC mu gace ka Beni 


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd