Muri leta zunze ubumwe z’Amerika, kuri uyu wa kane tariki ya 31 ukwakira 2019, Inteko ishinga amategeko umutwe w’abadepite yemeje itangwa ry’uburenganzira ku iperereza ku byaha Perezida Donald Trump akekwaho. Uyu mutegetsi akaba yahise atangaza ko  ari ukumwibasira, akaba ari ubwambere ikintu nkiki kibayeho mu mateka y’iki gihugu.

 

By Ubwanditsi | Views : 10395 | Kuya 10-31-2019 19:47



Icyemezo gitanga uburenganzira bw’uko Perezida Donald Trump yaregwa, akaburana, ibyaha byamuhama, agakurwa ku butegetsi, cyatowe ku majwi 232 mu gihe 196 atari agishyigikiye. Abahagarariye ishyaka ry’abarepubulika bose batoye OYA hiyongeraho abahagarariye ishyaka ry’abademokarate 2. 

Madame Nancy Perosi, Perezida w’umutwe w’abadepite mu nteko ishinga amategeko y’Amerika, yavuze ko atumva impamvu abahagarariye ishyaka ry’abarepubulika bafite ubwoba bwo kuvugisha ukuri.

Iki cyemezo gifashwe nyuma y’ubuhamya bumaze iminsi butangirwa mu muhezo bwerekeye imbaraga Perezida wa leta zunze ubumwe z’Amerika Donald Trump yashyize mu guhatira Ukraine gukora iperereza ku bahanganye na we muri politike.

Nyuma y’iki cyemezo, Perezida Donald Trump yanditse ubutumwa ku rubuga rwe rwa Twitter ko ari igikorwa cyo kumwibasira, iki gikorwa kikaba ari ubwa mbere kibayeho mu mateka y’Amerika.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd